麺屋こころ

Open Now

Now Closed

媽媽話想食日式嘢，我在 OpenRice搵到呢間日式撈麵，睇餐牌就覺得好吸引，所以決定帶媽媽去試吓。間鋪裝修好簡約靚仔，淡黃色嘅燈光令人覺得好溫暖舒服，好鍾意呢種氣氛。我哋叫咗【原味東京撈面】，麵條好滑溜，生蛋黃嘅鮮味同埋肉碎嘅微辣感，配合得啱啱好，食落特別香甜，好值得一試！【鹽味撈面】嘅口感好特別，麵條帶有微微嘅鹹味，配上豬腩肉嘅鮮嫩，油脂分佈均勻，咬落去特別爽口好味，真係太好食喇！仲有【牛油醬油枝豆】，配埋一齊食帶有淡淡嘅甜味，牛油嘅香味同埋醬油嘅微鹹，同枝豆嘅外脆內嫩，每一啖都係舌尖上嘅享受！總體嚟講體驗好好，媽媽都對啲嘢食讚不絕口，好推介大家帶屋企人嚟食撈麵。