Video
Read full review
2018-02-08
67 views
Happy Friday約喺銅鑼灣嚟個Happy gathering，難得聚首一堂，梗係要食餐好！嚟到「牛禪」當然一定要食和牛，但其他野食都幾好食！日本青蘋果蟹籽沙律面頭係大量蟹籽，咬落去脆卜卜。青蘋果切絲切得好幼細，爽脆青甜又帶一啲微酸，伴有車厘茄、沙律菜，食完特別開胃。一口芝士總共有六件，三角形造型，小巧精緻，啱啱好一口一件! 外皮脆漿做得好薄，裏面芝士有香濃芝士味，仲好柔軟，但就無拉絲效果。清酒放題惠顧套餐或和牛盛宴可以加$100/位享用90分鐘清酒放題，以用膳人數作準，因為其他朋友都好飲得，我就唯有奉陪，全枱一齊加啦！酒杯外仲有個小木盒，飲清酒禮儀係要人地幫你斟，千奇唔好自己斟呀，仲要斟到最滿或滿瀉先啱，所以店員每次都會幫你斟到滿一滿，係禮貌嚟，唔係迫你飲酒㗎！清酒帶有輕柔酒香，唔會有過酸過苦味道，亦唔會刺鼻，聞落帶少少芬香，都算係幾易入口。極上和牛盛宴用左一個牛板上枱，按返牛嘅唔同部位相應咁擺放，亦有標籤標示。九個部位，每個部位有四片，最啱二人或四人分享！餐牌寫得好清楚，建議由淡味食到濃味，由牛舌開始，最後係肉眼。每個部位都按肉味、爽口度、油花評分，好專業！因為係靚和牛，基本
日本青蘋果蟹籽沙律
面頭係大量蟹籽，咬落去脆卜卜。青蘋果切絲切得好幼細，爽脆青甜又帶一啲微酸，伴有車厘茄、沙律菜，食完特別開胃。一口芝士
總共有六件，三角形造型，小巧精緻，啱啱好一口一件! 外皮脆漿做得好薄，裏面芝士有香濃芝士味，仲好柔軟，但就無拉絲效果。
清酒放題
惠顧套餐或和牛盛宴可以加$100/位享用90分鐘清酒放題，以用膳人數作準，因為其他朋友都好飲得，我就唯有奉陪，全枱一齊加啦！酒杯外仲有個小木盒，飲清酒禮儀係要人地幫你斟，千奇唔好自己斟呀，仲要斟到最滿或滿瀉先啱，所以店員每次都會幫你斟到滿一滿，係禮貌嚟，唔係迫你飲酒㗎！清酒帶有輕柔酒香，唔會有過酸過苦味道，亦唔會刺鼻，聞落帶少少芬香，都算係幾易入口。
極上和牛盛宴
用左一個牛板上枱，按返牛嘅唔同部位相應咁擺放，亦有標籤標示。九個部位，每個部位有四片，最啱二人或四人分享！餐牌寫得好清楚，建議由淡味食到濃味，由牛舌開始，最後係肉眼。每個部位都按肉味、爽口度、油花評分，好專業！因為係靚和牛，基本上唔駛燒全熟，帶有少少血水會仲好食。燒完表面有燒烤格紋，入口牛味好濃，牛油係咇晒出嚟，又香滑又冇渣，真係超正。因為本身無預先作任何調味，只要加少少即磨岩鹽已經勁好食，好回味！
牛油露筍炒野菌
食得太多肉，叫左露筍炒野菌平衡吓，露筍爽脆有益，加埋幾種野菌用牛油去炒，面頭亦有芝麻，好香口，送飯一流。
岩鹽雪糕
最後甜品叫左雪糕，雖然天氣咁凍，但總要有個甜品先夠完滿。粉藍色好靚呀！少少鹽味又少少甜味嘅雪糕，好特別！
榴槤雪糕
呢度竟然有榴槤雪糕，作為榴槤迷又點可以錯過呢?! 再食多一球，奶味唔會過重，榴槤味亦唔會過度濃烈，係屬於香甜易入口，好味道!
埋單雖然都幾貴，但無論味道、服務、環境都係「極上」級別，偶爾食貴啲，對自己好啲，享受舌尖上美味，都係值得嘅!
Post
