Video
Read full review
2021-10-28
129 views
喺香港要食日本野唔難，平嘅貴嘅，刺身壽司鐵板燒居酒屋天婦羅shabu shabu應有盡有，但講到食蟹真係唔多地方有，到左食蟹季節，又令我諗返起幾年前喺蟹慶食過嘅全蟹宴，雖然貴但可以一次過食勻毛蟹松葉蟹鱈場蟹，今年冇得出國反正慳左唔少，所以又再黎幫趁。蟹慶地方唔算大，座位有分卡位同中間餐枱，裝修以淺木色做主色走一貫日系風格，簡單得黎幾舒服relax。蟹慶有套餐亦有得散叫，全蟹宴嘅套餐有兩個，分別係$1,976/二人同$2,776/二人 ，兩者最大分別係貴啲嘅set會多左A5和牛或者燒喜之次，當然其他菜式都有upgrade。因為有消費券幫輕下，所以今次我地就揀左貴啲嘅特選會席套餐($2,776/二人)。鴨胸沙律 - 沙律菜新鮮爽脆，上面嘅酸汁都好足夠，面頭仲有兩大片鴨胸，好嫩滑。旁邊係螢光魷魚同牛塝青瓜漬，平時螢光魷魚都係比較鹹，哩個就唔會，空口食都ok。時令刺身 - 刺身有四款，分別是帆立貝、拖羅、油甘魚和赤蝦，刺身都很新鮮厚切，特別喜歡拖羅，因為灸燒過，魚油更加突出。黑魚子海膽蟹肉蒸蛋 - 蒸蛋上面鋪滿蟹肉、海膽和黑魚子，中間還加入了本菇，非常足料，每一啖都食倒配料，蒸蛋熱辣辣入口滑溜
蟹慶地方唔算大，座位有分卡位同中間餐枱，裝修以淺木色做主色走一貫日系風格，簡單得黎幾舒服relax。
蟹慶有套餐亦有得散叫，全蟹宴嘅套餐有兩個，分別係$1,976/二人同$2,776/二人 ，兩者最大分別係貴啲嘅set會多左A5和牛或者燒喜之次，當然其他菜式都有upgrade。因為有消費券幫輕下，所以今次我地就揀左貴啲嘅特選會席套餐($2,776/二人)。
鴨胸沙律 - 沙律菜新鮮爽脆，上面嘅酸汁都好足夠，面頭仲有兩大片鴨胸，好嫩滑。
鴨胸沙律
18 views
0 likes
0 comments
螢光魷魚 & 牛塝青瓜漬
6 views
0 likes
0 comments
時令刺身 - 刺身有四款，分別是帆立貝、拖羅、油甘魚和赤蝦，刺身都很新鮮厚切，特別喜歡拖羅，因為灸燒過，魚油更加突出。
時令刺身
5 views
0 likes
0 comments
黑魚子海膽蟹肉蒸蛋 - 蒸蛋上面鋪滿蟹肉、海膽和黑魚子，中間還加入了本菇，非常足料，每一啖都食倒配料，蒸蛋熱辣辣入口滑溜。
黑魚子海膽蟹肉蒸蛋
2 views
0 likes
0 comments
香煎鵝肝多士 - 多士脆口得黎唔會太硬，鵝肝好大塊完全遮住下面嘅多士，輕煎過好香口，入口即溶。
香煎鵝肝多士
15 views
0 likes
0 comments
毛蟹 - 毛蟹係兩個人share一隻，侍應叫我地可以食左中間嘅蟹膏先，之後先再食蟹肉。
毛蟹
16 views
0 likes
0 comments
成個蟹蓋都滿晒蟹膏，蟹膏口感係比較腍滑，似蛋白或者豆腐。
毛蟹
17 views
0 likes
0 comments
毛蟹上枱之前，蟹殼已經預先剪開晒，加上佢嘅蟹殼比平時我地食倒嘅大閘蟹或者奄仔蟹薄同軟，所以除左蟹身之外，其實每隻蟹腳都好多肉，毛蟹蒸得啱啱好，蟹肉唔會痴住蟹殼，用食蟹專用嘅鐵叉好容易就可以將一梳梳蟹肉拆出黎，因為毛蟹夠新鮮，所以食落好鮮味空口食已經好得，如果加埋蟹醋食就更加開胃。
毛蟹
11 views
0 likes
0 comments
浜燒鱈場蟹腳 - 鱈場蟹腳上枱時已經對半剪開左，所以用筷子一夾已經可以成條蟹腳肉夾出黎。用浜燒嘅方法更突出左蟹香味，空口食會比毛蟹鹹少少，不過一樣咁好味。
浜燒鱈場蟹腳
24 views
0 likes
0 comments
浜燒鱈場蟹腳
10 views
0 likes
0 comments
鹿兒島A5和牛 - 哩份A5和牛可以話係成個set除左蟹之外嘅精華所在，因為兩個唔同價位嘅set最大分別就係多左哩份A5和牛或者燒喜之次，我地揀左要和牛，一碟有成隻前臂咁長都算貴得有道理。
鹿兒島A5和牛
28 views
0 likes
0 comments
和牛大約燒到七成熟，雖然燒熟左，但都清楚睇倒脂肪紋都姆平均，肉質食落好軟嫩，油脂豐富得黎又唔會有成口油嘅感覺，正呀！
鹿兒島A5和牛
31 views
0 likes
0 comments
松葉蟹肉蟹膏炒飯 - 炒飯份量比想像中多，每人分倒一大碗，飯炒得夠乾身唔會太油，上面加左好多松葉蟹肉，撈勻後幾乎每一啖都食倒蟹肉。
松葉蟹肉蟹膏炒飯
5 views
0 likes
0 comments
味噌湯 - 味噌湯唔會太鹹，入而仲加左隻蜆。
味噌湯
20 views
0 likes
0 comments
芝士蛋糕 - 雖然芝士蛋糕芝士味香得黎唔會太漏，但食完已經超飽，大滿足。
芝士蛋糕
19 views
0 likes
0 comments
總結，蟹慶已經係第二次幫趁，水準依然keep倒，雖然人均要過千，但可以一次過食倒毛蟹鱈場蟹松葉蟹同和牛都值得，不過食完先見倒較平價嘅蟹慶會席套餐原來openrice做緊Promo，而我食嘅set係冇特價的，所以兩個餐嘅價錢相差更遠，如果冇特別話好想食和牛或者燒喜之次，蟹慶會席我覺得更加抵食。
Post
