Video
Read full review
2022-02-22
196 views
一直好鐘意食香港特色茶記美食叉燒、滑蛋、奶茶咖啡依啲都係我嘅最愛不過一般茶記衛生同環境都比較「地道」有時一個女仔食野考慮埋環境都會卻步而今日經過西灣河見到依間新式香港茶餐廳鋪內舒服企理 餐牌嘅選擇比起傳統茶記又加添咗幾分特色二話不說就入去試試喇裝修光猛 帶點日式感覺午餐叫咗港式茶餐廳最基本嘅叉燒湯意粉配滑蛋 而牛油多士可以加$3轉沙律飲品方面除咗一般茶記選擇比較特別嘅係有薑汁奶茶同愛爾蘭咖啡忌廉豬骨湯底好驚喜 味道唔會過分濃 但有好香嘅奶滑感食得出係恰到好處嘅調味我食曬啲意粉都忍唔住飲多咗幾啖湯而滑蛋炒得軟滑 入口溶化嘅感覺值得encore!沙律菜正常發揮 係新鮮嘅最後想分享埋愛爾蘭咖啡落咗Whisky所以酒味都幾香 相比之下咖啡味會冇咁出食完仲望左望下午茶餐牌真心鍾意呢度嘅餐牌有好多特別嘅選擇例如蟹子醬三文治 大阪燒同黃金鹹蛋雞中翼港式得黎又有啲別緻味道好吸引呢！整體而言 依間茶餐廳質量中上如果有更多分店就好喇！除咗西灣河仲有上環新店有機會都會再次encore
叉燒、滑蛋、奶茶咖啡依啲都係我嘅最愛
不過一般茶記衛生同環境都比較「地道」
有時一個女仔食野考慮埋環境都會卻步
而今日經過西灣河見到依間新式香港茶餐廳
鋪內舒服企理 餐牌嘅選擇比起傳統茶記又加添咗幾分特色
二話不說就入去試試喇
裝修光猛 帶點日式感覺
午餐叫咗港式茶餐廳最基本嘅叉燒湯意粉
配滑蛋 而牛油多士可以加$3轉沙律
飲品方面除咗一般茶記選擇
比較特別嘅係有薑汁奶茶同愛爾蘭咖啡
忌廉豬骨湯底好驚喜
味道唔會過分濃 但有好香嘅奶滑感
食得出係恰到好處嘅調味
我食曬啲意粉都忍唔住飲多咗幾啖湯
而滑蛋炒得軟滑 入口溶化嘅感覺
值得encore!
沙律菜正常發揮 係新鮮嘅
最後想分享埋愛爾蘭咖啡
落咗Whisky所以酒味都幾香
相比之下咖啡味會冇咁出
食完仲望左望下午茶餐牌
真心鍾意呢度嘅餐牌有好多特別嘅選擇
例如蟹子醬三文治 大阪燒同黃金鹹蛋雞中翼
港式得黎又有啲別緻味道
好吸引呢！整體而言 依間茶餐廳質量中上
如果有更多分店就好喇！
除咗西灣河仲有上環新店
有機會都會再次encore
Post
