Artisan Room (Closed)

難得星期日放假，當然出下街約下friend啦。去西環碼頭欣賞日落同打卡前，同朋友想搵地方出黎hea下先，就咁岩搵到呢間coffee shop☕️睇相見到有室外座位就覺得好有feel,就決定去呢間。我地大約下午三四點去到，但係門口竟然見到full哂，即刻sad左一下。但入到去發現原來樓上仲有一層😝即刻叫左兩杯咖啡同甜品。上到去樓上都好舒服，因為座位唔多，感覺上好舒服同好闊落，好中意個環境，適合過一個悠閒既星期日。我地揀左梳化位坐，十分闊落。坐左一陣，店員就為我地送上左咖啡同甜品。我要左一杯latte,而我朋友要左一杯Flat White,再加上我地叫左一set四件既迷你撻。咖啡雖然一般，但迷你撻真的不錯，甜度剛好。店內環境舒適而且十分近香港大學站，得閒黎飲杯咖啡真心唔錯。