粵 (Closed)

上星期父親節出左trip, 今個星期同阿爸補祝父親節, 想搵間坐得舒服D既酒樓, 住北角既姑媽提議去城市花園酒店食, 飲完茶可以順便上姑媽屋企坐下. 好耐之前黎過, 印象中係舊舊地既中菜廳, 今次黎唔同晒樣, 原來裝修左, 都幾靓幾舒服, 大廳有D迫, 我地坐入面類似宴會廳既地方, 闊落好多. 叫左幾款適合老人家食既點心同小食. 素菜菇菌包: 個包唔夠鬆軟, 不過勝在餡料多, 清清地好健康. 咸水角: 呢味叫俾自己食既, 我最鍾意食香口野, 一個人KO左兩隻, 阿爸好捧場幫我食埋最後果隻, 個皮唔係特別薄, 但熱辣辣, 係即炸的, 最憎食果D炸左好耐凍冰冰勁油既咸水角, 呢個合格. 鮑汁鳳爪: 炆得好腍, 真係無牙都食到, 個鮑汁好濃, 早知叫碗白飯黎撈汁, 不過叫左炆米. XO醬煎腸粉: 勁多XO醬, 辣左小小, 好彩阿爸食得辣, 腸粉都好滑.蓮藕條少鮮冬菇: 好味, 我阿爸見我咁鍾意食, 佢話好易整之麻, 我下次返屋企食飯佢整俾我食.雞絲炆米: 有小小上湯浸住, D雞好滑, 連埋雞皮所以有雞油香, 但係又唔會肥膩喎, D米粉又唔會腍得滯一pat pat, 好爽好彈牙, 超讚. 可能