圃公館 (Closed)

假日想飲茶，又唔想等位，最好就係去酒店嘆個熱茶點心。喺灣仔帝盛酒店一樓嘅「圃公館」，佔地唔算大，但環境幾靚，座位舒適。呢度有單點點心同［假日懷舊小食點心放題$168］，放題已包茶錢，好似抵啲，一於食放題啦，可以試多啲款式，因為好多款點心都可以逐件點，想食一件蝦餃得，想試一粒燒賣又得，好彈性！一張Order紙睇晒，有37款選擇：瑤柱灌湯餃皮薄但餡少，只有少少菇、肉碎同竹笙，個湯底幾清甜！筍尖鮮蝦餃皮薄餡靚，晶瑩剔透，入面滿滿鮮蝦，加埋少少筍粒，好爽口！流沙奶皇包完全做到流心效果，奶皇漿甜度適中。蟹子燒賣材料好足，蟹子、蝦肉同豬肉都多，精緻而好味。蟹肉春卷 春卷唔脆，餡料亦少，都幾油，失望！黑松露咸水角入面有一點點嘅黑松露，但味道唔太出。外皮係既鬆軟又有少少煙韌，好好食。椒鹽魷魚鬚大大份，夠熱夠香脆，仲配左沙律醬，唔錯。水煮和牛肉腸粉呢個好特色，出面好難食到。連門口都有個海報介紹。開頭怕會好辣，但碟腸粉嚟到就放心了，腸粉同醬汁係分開放。腸粉入面只有和牛，牛味唔錯，但牛肉少，反而腸粉好軟滑。難得係個醬汁分開上，食得辣就蘸多啲，唔食得辣就蘸少少。其實唔係太辣，但個麻辣香味好正，又香又麻好惹味楊