臨記車仔麵 (Closed)

肚仔又有啲餓，諗緊想食咩，突然諗起有朋友介紹話呢度有間車仔麵鋪頭幾好食，所以就去試吓啦。諗返起我都有好多年冇食過車仔麵，車仔麵比我嘅印象係大件夾抵食，一定飽肚，味道就一般般，但食過呢間車仔麵之後，我就對車仔麵嘅印象就完全改觀，因為都有好好味嘅車仔麵食嘅。首先講講呢間店嘅環境，光猛同乾淨而且有冷氣可以坐得好舒服咁慢慢食，而且仲有好多配菜揀，湯底都有幾款可以選擇、最窩心係有時太多配菜好難揀唔知食乜餸好，佢就會有幾個精選配搭，配埋餸同湯底比你，等你唔使諗食咩，我一見到就立即揀咗佢個A2叫化骨龍嘅車仔麵食，個名好得意。個車仔麵可以話係色香味俱全，碗麵好香，賣相豐富，我覺得個米線好吸收個湯底味，值得推薦下秘製豬軟骨同自家製鮮竹卷，好好食，對於我來講個咖喱湯有少少辣，唔食得辣嘅友可能唔太啱，因為真係有啲辣，但係辣得都好好味，總結來講呢間車仔麵好好食，可以再嚟食多幾次😊