DKLM Bar & Restaurant (Closed)

本來諗住去諾士佛臺飲嘢，但行過金巴利道果又望到間幾得意嘅酒吧，就膽粗粗上左去試。一坐低就即刻有蝦條送上。酒吧嘅座位其實都幾闊落，又舒適，好適合一班人上黎坐低傾計。蜜糖香燒雞翼外皮燒得香脆，雞肉亦唔會太乾。調味做得唔錯，食落有陣香甜嘅蜜糖味。Secert Garden以沙冰為底，入面加入雲呢拿氈酒、檸檬汁、糖漿同蛋白，飲落會有雲呢拿味，又唔會重酒精味，頗為清新。Pina Colada美國安格斯牛肉迷你漢堡 伴車打芝士及松露薯條迷你漢堡嘅份量比想像中大，唔會係一兩啖就食得曬。 漢堡嘅材料豐富，而且漢堡扒多汁又好重牛肉味。黑松露巴馬火腿薄餅伴火箭菜類似出面食到嘅手工pizza薄餅，而且係即製嘅。 薄餅底同邊同樣香脆，又同上面嘅配料嘅味道好配合。酒吧其實仲有桌球同Beer pong 玩，但我地得兩個人，又志在上黎食下野，所以下次再試。