Puppuccino (Closed)

跨灣大橋通車後發現調景嶺同將軍澳海旁附近有好多美食，而且唔係千遍一律既連鎖門市，立時變成美食天堂。比較有情調同特色的是西餐廳，有好多有室外位置，而且可帶家中狗仔一齊進食添！今日去呢間餐廳連寵物既餐牌都有，真的照顧周到！內在佈置色彩配搭好鮮艷、獨特，有室外室内坐位，地下仲有一層添！今晚天氣不冷不熱，有少少風，好適合坐外面！這間餐廳款式多樣化，有前菜、小食、串燒、沙律、意粉、肉類主食、三文治等，連飲品都超多選擇。好彩店員主動介紹餐廳特色菜，等我可以參考一下。店員亦非常有禮貌，值得一讚！點了煙三文魚紅菜頭牛油果莎莎，估唔到有成五大朵三文魚花花，紅菜頭亦好鮮甜，不過好似唔覺有牛油果？？見到西餐有麻辣手撕雞食覺得幾特別，所以一試。個人認為麻辣味唔夠辣，而且有少少鹹，不過份量多，旁邊的蕃茄及青瓜好鮮甜，蔬菜亦好新鮮。最期待的主食出場啦，牛骨髓烤得好香，果種油脂味好正，用小匙挖出牛骨髓，再拌入意粉。加上意粉本身好creamy, 好好食😋配埋pussy foot mock tail 就好圓滿啦！