Video
Read full review
2022-08-06
1609 views
好鍾意去譚臣道搵食，皆因那裡小店林立，有齊日式、越式、港式等，甚至連供應菲律賓菜嘅餐廳都有，選擇眾多，而且價錢亦非常經濟。最近又畀我哋發掘到一間新開嘅舒適清新系食肆，店舖取名「玖零冰室」，估計係由一班 90 後嘅年輕人主理。餐廳門面好搶眼，以純白為主調，配以室內嘅霓虹燈裝飾，色彩繽紛，既時尚又有活力，令人耳目一新。先睇下餐牌，食物選擇都幾豐富，有全日早餐、撈麵、常餐，另外亦有芝士焗飯、日式咖喱蛋包飯等，而且最特別嘅就係餐牌標明使用日本米，足見餐廳選料非常講究。我哋點左玖零全日早餐 ($72) 同 一客意式蕃茄濃湯麵。全日早餐用料好豐富，有西冷牛扒、3.6 牛乳炒滑蛋、蜜糖炒菇、紐倫堡香腸、丹麥多士同沙律。薄切牛扒質素唔錯，入口柔軟；滑蛋炒得夠金黃。紐倫堡腸外皮卜卜脆、勁有咬感；丹麥多士鬆化且帶濃濃牛油香，同吃大滿足！至於另一客濃湯麵就揀左豬八戒 ($58)，麵底可以自選，有稻庭烏冬、米粉、通粉、意粉或公仔麵可供選擇。蕃茄湯底新鮮熬製，內有粒粒番茄，真材實料。另外仲有大量豚肉片同日式厚切叉燒，豚肉片肥瘦均稱、日式叉燒軟腍有脂香，配上滑溜又富彈性嘅稻庭烏冬，讓人一吃愛上。跟餐飲品點左黑牛
最近又畀我哋發掘到一間新開嘅舒適清新系食肆，店舖取名「玖零冰室」，估計係由一班 90 後嘅年輕人主理。
餐廳門面好搶眼，以純白為主調，配以室內嘅霓虹燈裝飾，色彩繽紛，既時尚又有活力，令人耳目一新。
先睇下餐牌，食物選擇都幾豐富，有全日早餐、撈麵、常餐，另外亦有芝士焗飯、日式咖喱蛋包飯等，而且最特別嘅就係餐牌標明使用日本米，足見餐廳選料非常講究。
我哋點左玖零全日早餐 ($72) 同 一客意式蕃茄濃湯麵。全日早餐用料好豐富，有西冷牛扒、3.6 牛乳炒滑蛋、蜜糖炒菇、紐倫堡香腸、丹麥多士同沙律。
薄切牛扒質素唔錯，入口柔軟；滑蛋炒得夠金黃。紐倫堡腸外皮卜卜脆、勁有咬感；丹麥多士鬆化且帶濃濃牛油香，同吃大滿足！
至於另一客濃湯麵就揀左豬八戒 ($58)，麵底可以自選，有稻庭烏冬、米粉、通粉、意粉或公仔麵可供選擇。蕃茄湯底新鮮熬製，內有粒粒番茄，真材實料。
另外仲有大量豚肉片同日式厚切叉燒，豚肉片肥瘦均稱、日式叉燒軟腍有脂香，配上滑溜又富彈性嘅稻庭烏冬，讓人一吃愛上。
跟餐飲品點左黑牛 (+$12) 同 咖啡紅豆冰 (+$15)，黑牛唔係好多地方有供應，朱古力雪糕，再加埋冰凍可樂，真係冇得輸。
近排有人愛上咖啡紅豆冰，幾乎每次出街食飯都點，呢杯嘅咖啡味比較濃，有啲似 espresso，幸好紅豆份量十足，佔了半杯。攪勻一齊飲，紅豆嘅甜味中和左咖啡嘅苦澀，令味道即時平衡返，有驚喜，值得推介。
Post
