顏府御膳 (Closed)

之前上網見到有間位於銅鑼灣嘅中菜餐廳，室內設計別緻，今日lunch time見有充裕時間，所以一於去試下。黎到見到餐廳嘅設計果然冇令我失望，用上多盞紅色水晶吊燈，餐廳光猛之餘又夠晒高貴優雅。顏府嚐味午餐菜譜 （每位 $180 ）+ 香片茶 （每位 $20）🥣顏府精選老火湯：應該係西洋菜紅蘿蔔湯，清清地夠晒下火。🧆頭盤：脆皮麻辣燒賣 & 紅椒汁蘆筍蝦餃 燒賣外皮香脆，辣辣地幾惹味。外皮橙黃色蝦餃幾特別，一啲都唔辣，加埋爽脆蘆筍和蝦一齊食份外有口感。🍲主菜： 野菌燒汁和牛 & XO醬蝦乾肉碎炒芥蘭牛肉片肉質鮮美，一啲渣都無，炒野菌醃得好入味。蝦乾都幾大隻，肉碎炒芥蘭切得大小適中，非常易入口。🧁甜品：南北杏雪耳燉萬壽菓呢個好飲，好滋潤，甜甜地好暖胃。🫖佢地嘅香片茶幾好飲，真係不停咁樣斟不停咁樣飲😜。另外，餐前小食係四貴豆都幾開胃，唔錯。