The Mafe Cafe (Closed)

旺角-Mafe cafe: (晚餐）黑松露野菌忌廉意大利飯（$108 包$38飲品）、（+$18）紅莓果茶+10%-旺角Cafe多不勝數今次試咗間在登打士街好搶眼的mafe，因為離遠已經見到個窗嘅大招牌。餐廳佔地頗大，仲有大大的卡位，啱晒一大班朋友來玩，我來得太早，還未到放工時間，未有很多人。窗有剪影裝飾，牆上亦設綠色植物牆，感覺舒服。而且座位都好闊落，亦有wifi供應。環境上，這間樓上Cafe算非常不錯！晚餐選擇唔算好多，不過都好大路，梗有一個揀到既，因為今天想食素，就揀咗黑松露野菌忌廉意大利飯。質素超越期望，新鮮整出嚟非常之熱辣辣，面頭有半粒車厘茄沙律菜和芝士塊裝飾，一吃下去覺得芝味勁濃，勁creamy，看來廚師毫不吝嗇忌廉和芝士的份量！套餐包一杯$38的飲品，也可加差價點其他，我加了$18點了紅莓果茶，據說，這有豐富的維他命C及E，能夠養顏潤膚。有蠟燭熱住，食成餐飯都有熱茶飲。後加了一個炸洋蔥圈（$48），新鮮即炸，香口的，一路玩boardgame一路做小食都唔錯。