Video
Read full review
2007-03-14
11 views
我係第一次喺Open Rice打"開評喇!", 亦係呢間餐廳喺Open Rice既第一個食評, 實在係有D Surprise同開心!! 話說係3月10日逛完啱啱開張既H&M, 再搭"叮叮"過去銅鑼灣繼續血拼!! 行下買下到咗晚飯時間, 好友"本小姐"介紹呢間食日式意粉速食既餐廳, 佢話幾好食, 同埋我又未去過咪試下囉~ 初頭去到發覺間舖頭細細, 以白色為主既開放式設計(睇哂成個廚房), 計埋廚師得3個人既舖頭仔, 而且係自助式收費(好似大家樂咁先俾錢, 跟住坐低等佢地囉碟意粉俾你), 種種印象令我對呢間餐廳既食物質素唔係抱好大既期望... 但係原來冇期望至會有超大既驚喜!!! 果度有幾多選擇, 茄汁大蝦意粉(唔係好記得全名, 係咁上下)係當日既推介, 鍾意食蝦既我諗都唔諗就點咗呢個, 上台既時候賣相普通, 但係食落好好味!! 先講個蝦, 9成係急凍, 之但係食落有蝦味, 唔鹹, 有少少鮮甜! 跟住到個汁, 鮮茄得嚟又有少少茄肉, 唔錯唔錯! 最後主角居然係意粉, 何解呢? 因為佢地個意粉勁得, 唔會太淋冇口感同埋成pat野咁, 亦都唔會太硬到口感差! 佢地既意粉爽口兼彈牙, 我自已就從
Post