三多美食

Open Now

Now Closed

三多美食呢間兩餸飯最近呢都好出名，未必係咪佢好好食，但係佢又真係良心餐廳，晚上九點半後，有需要人士可以帶乾淨嘅盒嚟攞食物。講返正題先，就係餐廳嘅食物。兩餸飯基本上都係嚟嚟去去嗰啲餸。三多就40蚊三餸飯，加12蚊呢就可以揀海鮮嘅餸。好老實講作為一個foodie對食物有啲要求，食兩餸飯都當然要升級加返個海鮮。我是揀咗三個餸，分別係咕嚕肉、西蘭花炒蝦球同埋蜜椒鱔球。蜜椒鱔球就係加12蚊先可以揀嘅餸！老實講食兩餸飯都係簡簡單單一餐，都唔會期望太多，過蜜椒鱔球都幾有驚喜。除咗有香甜嘅蜜椒味，仲可以食到鱔嘅鮮味，鱔肉食落都唔會話好唔新鮮。我都幾推介呢個星級三餸飯！有時想簡簡單單的一餐，一於試下啦！