富東閣海鮮酒家

Open Now

Now Closed

以我認知，全港好似得一間黃店茶樓，食點心嘅舖頭餐廳就多d。有時候都會特登約朋友嚟呢度食嘢。茶樓嘅租金真係好貴，所以真係要好好支持下。我覺得呢間酒樓嘅質素都算幾好，而且價錢合理。我好喜歡食佢嘅蝦餃，個皮煙韌，有蝦味。之前都有食過佢嘅片皮鴨，鴨皮夠油夠香，大大份，性價比真係好高。佢個芝士蝦伊麵相比之下就比較一般，奶味比較重不過芝士味就唔出。但對起個價錢來講又真係幾平嘅。比起徐媽媽，我覺得呢一間嘅點心味道比較道地同埋合理。