花月冰室

Open Now

Now Closed

和同事去長沙灣見客，做完嘢就去食午餐，見到有間餐廳叫花月冰室，餐廳燈光明亮，乾淨企理，是間港式茶餐廳，餐牌食物多元化，價錢親民,於是乎我哋就入去試吓。美式雜扒用鐵板熱辣辣上枱，用料份量十足，牛扒、豬扒、雞扒都好大塊，肉質鮮嫩，仲有司華力腸和薯角,配香辣嘅黑椒汁好惹味！餐茶加3有凍檸樂，滿滿一罐可樂加上冰塊、黃檸檬，讓熱氣全散！老火湯夠火候，味道香甜。鮮茄菠蘿焗雞扒意粉：雞扒好厚肉，已經切開方便進食，每條意粉都沾滿鮮茄醬汁，味道酸酸甜甜又彈牙，加上菠蘿更醒胃。鮮茄芝士焗肉醬意粉：在意粉上放上蕃茄肉醬，再加埋芝士碎，焗後表面金黃香脆，內裡是半溶化的芝士，令平凡的意粉變得更滋味！肉片豉椒炒河：即叫即炒，新鮮有鑊氣，肉片嫩滑，豉椒汁掛滿每條河粉，吃下去每口都有豉椒汁，非常惹味！