Video
Read full review
2018-06-07
299 views
又係觀塘食好西時間！今次試下食「榮哥廚房私房菜」，慰勞下自己！地點好方便，地鐵站天橋位一落，幾步就到。當日落大雨，因而無濕曬對腳。裝修唔算華麗奢侈，不過整潔舒適，空間感足夠，唔會太嘈太迫。叫左個二人餐，人頭$348，另有加一。坐低好快就有店員送上頭盤，祭祭五臟廟先！花枝豆唔係好識欣賞，唔腥，略帶甜味。木耳就非本人所喜，不過依碟木耳夠冰涼、又有麻香同微微酒味，爽口清脆，令我改觀。沙律就非常出色，極級鮮嫩爽口，完全無苦澀味，用青瓜綑住成為一口沙律既設計亦非常有創意同方便！黑魚子醬味道似燒汁，但味道更加提鮮，流心蛋同茄子點住醬食，非常醒胃。到盅湯上檯，燉湯可謂水準之上，湯水清澈，但鮮味十足，啖啖湯都有肉汁精華，做得好過好多高級酒家酒樓！十個讚！蝦球水芙蓉都係招牌菜，黃色芡汁味道偏淡，食唔到咩味。汁下有蒸蛋，滑溜香口。蝦球不用說，爽口彈口，非常新鮮！焗蠔都係必食！芝士唔係西式濃厚膩溜款式，但仍然香氣撲鼻，而且加左孜然粉，超級邪惡！火喉焗得剛剛好，蠔身仍有好多肉汁，口感類似桶蠔。陳皮骨都幾有驚喜，食落有濃厚香甜味，微微帶酸，同豬肉味道非常相襯。碟菜就新鮮翠綠，此外無咩特別之處，不過魚湯好鮮甜，想
地點好方便，地鐵站天橋位一落，幾步就到。當日落大雨，因而無濕曬對腳。
裝修唔算華麗奢侈，不過整潔舒適，空間感足夠，唔會太嘈太迫。
叫左個二人餐，人頭$348，另有加一。
坐低好快就有店員送上頭盤，祭祭五臟廟先！
有機沙律菜伴芝麻醬、涼拌黑木耳、岩鹽花枝豆
20 views
0 likes
0 comments
花枝豆唔係好識欣賞，唔腥，略帶甜味。木耳就非本人所喜，不過依碟木耳夠冰涼、又有麻香同微微酒味，爽口清脆，令我改觀。
沙律就非常出色，極級鮮嫩爽口，完全無苦澀味，用青瓜綑住成為一口沙律既設計亦非常有創意同方便！
有機沙律菜伴芝麻醬
20 views
0 likes
0 comments
黑魚子醬味道似燒汁，但味道更加提鮮，流心蛋同茄子點住醬食，非常醒胃。
茶燻流心蛋伴黑魚子醬配厚切茄子
27 views
0 likes
0 comments
到盅湯上檯，燉湯可謂水準之上，湯水清澈，但鮮味十足，啖啖湯都有肉汁精華，做得好過好多高級酒家酒樓！十個讚！
原盅燉哈密瓜螺頭黑毛豚肉湯
16 views
0 likes
0 comments
蝦球水芙蓉都係招牌菜，黃色芡汁味道偏淡，食唔到咩味。汁下有蒸蛋，滑溜香口。蝦球不用說，爽口彈口，非常新鮮！
蝦球水芙蓉
16 views
0 likes
0 comments
焗蠔都係必食！芝士唔係西式濃厚膩溜款式，但仍然香氣撲鼻，而且加左孜然粉，超級邪惡！火喉焗得剛剛好，蠔身仍有好多肉汁，口感類似桶蠔。
蒜香芝士焗老外蠔王
21 views
0 likes
0 comments
陳皮骨都幾有驚喜，食落有濃厚香甜味，微微帶酸，同豬肉味道非常相襯。
遠年新會陳皮骨
18 views
0 likes
0 comments
碟菜就新鮮翠綠，此外無咩特別之處，不過魚湯好鮮甜，想成碟飲曬佢！
魚湯有機時令蔬菜
21 views
0 likes
0 comments
蒸飯就有驚喜，一上檯已經超香荷葉味，清香醒神，班片雖然得兩塊，但好香滑鮮甜，配埋豉油食真係多多飯都食得落！
荷香蒜蓉海班片原籠蒸鴛鴦飯
27 views
0 likes
0 comments
最後食埋水果就完啦，值得一讚係西瓜以粒粒咁上，容易食用又美觀。
新鮮水果
17 views
0 likes
0 comments
整體而言，食物色香味俱全，心思創意無懈可擊，所有食材都明顯經過挑選、新鮮可口；環境亦安靜舒適，店員都主動有禮。價錢雖然唔係廉價，但水平遠超好多酒席菜單，我就寧願咁樣食得更加精心細緻嘞！
Post
