Video
Read full review
2023-04-25
67 views
好耐之前就已經聽過ATUM 超級有特色成幅畫咁嘅Tea set🎨，所以一直都好想試佢哋嘅出品👀再加上好耐都冇同Food Boss食返餐精緻西餐，所以尋日等Food Boss放咗工之後就去左尖沙咀K11 Art Mall入面既ATUM試佢地既dinner~餐廳嘅裝修非常有情調，店員亦好好咁樣安排咗我哋坐靠窗嘅位置（有出面嘅夜光影相係靚啲嘅！✨）我哋就試咗：/前菜/🥇紅桑莓冰生蠔 $62🥈熱情果冰生蠔 $62🥉蝶豆花青檸冰生蠔 $62話說Food Boss從來無試過食生蠔😂😂（佢平時都係食炒蠔或者燒蠔），今次佢哋餐牌有啲咁特色嘅生蠔配搭，覺得都係一次幾好嘅機會比Food Boss 衝破吓佢嘅comfort zone🤓🤓(因為有啲人的確好怕生蠔會唔夠新鮮所以好腥），而最後佢係真係克服咗嘅😙😙😙呢度嘅生蠔本身海水味比較重，但係上面就加咗唔同嘅水果同埋啫喱令到味道層次更加豐富～紅桑梅甜、熱情果酸、蝶豆花青檸清爽，所以各有千秋，不過相較之下蝶豆花嘅味道最淡，所以俾紅桑梅同熱情果搶咗風頭🤣🤣不過整體三款都幾好食！/主菜/1. 鮑魚蟹膏燉飯 $188鮑魚係鋪咗喺面，蟹膏就應該融入咗飯粒入邊，側邊就放咗
好耐之前就已經聽過ATUM 超級有特色成幅畫咁嘅Tea set🎨，所以一直都好想試佢哋嘅出品👀再加上好耐都冇同Food Boss食返餐精緻西餐，所以尋日等Food Boss放咗工之後就去左尖沙咀K11 Art Mall入面既ATUM試佢地既dinner~
餐廳嘅裝修非常有情調，店員亦好好咁樣安排咗我哋坐靠窗嘅位置（有出面嘅夜光影相係靚啲嘅！✨）
我哋就試咗：
/前菜/
🥇紅桑莓冰生蠔 $62
🥈熱情果冰生蠔 $62
🥉蝶豆花青檸冰生蠔 $62
話說Food Boss從來無試過食生蠔😂😂（佢平時都係食炒蠔或者燒蠔），今次佢哋餐牌有啲咁特色嘅生蠔配搭，覺得都係一次幾好嘅機會比Food Boss 衝破吓佢嘅comfort zone🤓🤓(因為有啲人的確好怕生蠔會唔夠新鮮所以好腥），而最後佢係真係克服咗嘅😙😙😙
呢度嘅生蠔本身海水味比較重，但係上面就加咗唔同嘅水果同埋啫喱令到味道層次更加豐富～紅桑梅甜、熱情果酸、蝶豆花青檸清爽，所以各有千秋，不過相較之下蝶豆花嘅味道最淡，所以俾紅桑梅同熱情果搶咗風頭🤣🤣不過整體三款都幾好食！
/主菜/
1. 鮑魚蟹膏燉飯 $188
鮑魚係鋪咗喺面，蟹膏就應該融入咗飯粒入邊，側邊就放咗幾塊昆布（第一次見昆布有咁靚既花紋hahaha)，建議可以放昆布喺底，再放一啖蟹膏燉飯，上面再放軟稔入味嘅鮑魚，之後一啖放落口😚😚
2. 燒八爪魚•墨汁脆片•培根馬鈴薯 $208
呢個係今晚既冠軍🏆！平時食開既燒八爪魚多數都好乾😅😅今次終於食到爽彈多汁既八爪魚🥹🥹🥹Food Sec 本身就唔鍾意食爽口彈牙既野，加上佢八爪魚又好鮮甜，食完真係好滿足😋😋如果加多少少汁應該會更加惹味！
/甜品/
鹹蛋黃雪糕•豆腐雪糕•黑糖腐皮 $88
估唔到呢個甜品配搭又有啲驚喜！😮😮😮佢哋個鹹蛋黃雪糕其實有啲似Food Sec摯愛既蛋撻雪糕🍦🍳你會食得出鹹蛋黃碎，同一時間雪糕又打得好順滑；豆腐雪糕又係，佢真係完美複製到豆腐既味道落雪糕，不過呢食落口會硬身一啲，感覺似雪芭多過雪糕～
味道：👩🏻💻8/10
性價比：👩🏻💻6.5/10
環境：👩🏻💻7.5/10
Post
