Video
Read full review
2016-07-24
3202 views
其實一直都想試呢間韓式cafe, 因為見到相, 佢既蛋糕都好靚, 蛋糕唧花都好精緻.位於登龍街既Flori其實門口一D都唔覺眼, 門口有D盆栽, 又有個蛋糕櫃放左靚靚唧花蛋糕, 佢有2層的, 先付款買食物, 然後就有個電子牌比你, 到有得拎個牌就響, 自己就要去番地下果層攞食物. 因為同mentor聚舊, 所以揀左上層, 貪佢靜D.上到樓上會有1/3空間比左老闆娘做workshop整蛋糕, 當日我就見到老闆娘密密唧花. 我地揀左一件綠茶蛋糕同綠茶mosses cake, 同埋2杯sweet potato latte, 慢慢嘆住傾. 蛋糕上既唧花係人手逐朵逐朵唧, 而且真係唧得好精緻, 件件蛋糕好似藝術品甘, 真係唔捨得食~ 先呷一口mosses cake, 其實我都唔知係咪綠茶味(收銀韓妹都唔肯定話maybe), 我就食唔出有綠茶味, 但mosses同上面的唧花都充滿豆香味, 而且mosses都做得好, 唔會太軟一pat野, 餅底就係好似cheese cake既餅底, 同個豆味濃郁既mosses都好夾, mosses cake味道偏淡, 宜配濃味既飲品; 至於個綠茶蛋糕, 佢係一層蛋糕
位於登龍街既Flori其實門口一D都唔覺眼, 門口有D盆栽, 又有個蛋糕櫃放左靚靚唧花蛋糕, 佢有2層的, 先付款買食物, 然後就有個電子牌比你, 到有得拎個牌就響, 自己就要去番地下果層攞食物. 因為同mentor聚舊, 所以揀左上層, 貪佢靜D.
上到樓上會有1/3空間比左老闆娘做workshop整蛋糕, 當日我就見到老闆娘密密唧花. 我地揀左一件綠茶蛋糕同綠茶mosses cake, 同埋2杯sweet potato latte, 慢慢嘆住傾. 蛋糕上既唧花係人手逐朵逐朵唧, 而且真係唧得好精緻, 件件蛋糕好似藝術品甘, 真係唔捨得食~ 先呷一口mosses cake, 其實我都唔知係咪綠茶味(收銀韓妹都唔肯定話maybe), 我就食唔出有綠茶味, 但mosses同上面的唧花都充滿豆香味, 而且mosses都做得好, 唔會太軟一pat野, 餅底就係好似cheese cake既餅底, 同個豆味濃郁既mosses都好夾, mosses cake味道偏淡, 宜配濃味既飲品; 至於個綠茶蛋糕, 佢係一層蛋糕一層紅豆蓉+cream, 如是者好幾層, 所以入口都好有紅豆味, 綠茶蛋糕+紅豆真係無得輸, 不過食到尾就覺得有點甜, 可能配茶會好一點.
sweet potato latte味道都幾甜, 不過紫薯味濃, 紫薯控要試!不過飲完真係好飽, 如果呢杯latte配蛋糕, 係飽到食唔到既飯~
其實cafe價錢都唔平, 不過你見到老闆娘逐朵逐朵唧花, 呢D手工係有價值的~
Post
