Tokyo Milk Cheese Factory (Closed)

臨近聖誕， 同一大班朋友開party， 叫咗個蛋糕慶祝。 今次叫嘅係一個日本芝士蛋糕， 之前一路都想食㗎啦， 今次終於有機會。呢個品牌有幾款唔同口味嘅芝士蛋糕， 今次既然係第一次食， 一於就叫咗個最經典嘅牛奶芝士蛋糕。個蛋糕就細細個， 大概是一磅裝size， 售價大約200蚊， 算係中等價錢， 唔算平亦都唔算貴。 個蛋糕就一開八， 同班friend一人食一小塊， 過下口癮都唔錯。 另外一個品牌嘅半熟蛋糕類似， 都係嗰種 濃厚又creamy嘅口感， 芝士味好出，牛奶配合得天衣無縫。 由於牛奶芝士同cream都好多， 所以只係食一小塊都已經感覺到好足夠。 另外覺得佢特別嘅地方係佢芝士蛋糕外層有層薄薄嘅班戟皮， 配搭濃厚嘅芝士蛋糕， 口感又提升到另一個層次。 朋友食完都話好味， 所以絕對係可以再返轉頭試多幾次。