甜點糖水坊 (Closed)

趁着放假嚟屯門碼頭周圍逛下，發現兆禧有個新開嘅food court，一入去就見到間好吸引嘅糖水舖。似乎係走街坊路線既糖水舖，岩哂住附近既人落嚟食宵夜。糖水既選擇都幾豐富😋望左一大輪，芒果同芋圓係招牌糖水，3Q系列就適合啲咩都想試少少既人揀。黑糖紅豆仙草配四色芋圓芋圓好煙韌，好有咬口但又唔會完全無味得個咬字。仙草滑嫩Q彈。紅豆煮到軟腍得泥又粒粒分明。黑糖既味道唔太出，但考慮到本身有紅豆同仙草，甜度會令芋圓既味更突出。整體來說，小店既糖水選擇豐富，都幾推薦食芋圓，真係幾唔錯。平時又開到凌晨十二點，想食宵夜的話呢度有好選擇🥳