點點甜 (Closed)

知道呢間甜品店有芋圓甜品，又被吸引過去食～芋圓仙草盛配紫薯 $30 可以自選紫薯蓉或者芋泥蓉，紫薯蓉味道天然，有淡淡既香味，食晒一大球真係好飽❤️！配料有好多款式，口感豐富，黑珍珠、西米、紅豆、小丸子、芋圓同仙草，芋圓同小丸子煙韌Q彈🌟，好食呢！但黑珍珠比較硬，應該未煮夠🙁，整體味道偏淡同單調，主要係用紅豆帶出甜味，以性價比黎講都算滿意！🤗 香芒明珠 $36 呢款甜品比較清新，有雪糕、芒果粒、小丸子、椰果等…都幾豐富呀，芒果汁夠凍，味道又唔會太假，可以一試呀！ 餐牌: 餐廳資料：點點甜地址：旺角豉油街126-128號明威閣地下K舖