許留山 (Closed)

星期日這個陽光充沛嘅好日子，辣椒我竟然要一大早返工ot, 天啊真命苦。 為咗消感苦楚，順便消消暑氣，放工後決定走入附近最近嘅許留山，感受下被芒果包圍嘅感覺。坐低叫咗芒之戀，好快就送上，一盤有3小碗，芒果水晶粉，芒果糯米糍同芒果小丸子。唔知係咪我太out, 少食甜品，亦好耐好耐冇嚟許留山，覺得佢哋嘅出品賣相好好，好吸引。芒果水晶粉芒味濃郁，粉QQ的，好味。芒果糯米糍保持水準，至於芒果小丸子，辣妹一向對湯丸類嘅物體冇咩好感，尤其係冇餡嘅，就更加唔like, 所以完全放棄小丸子只飲咗芒果汁。但整體唔錯。食完之後成個人舒服哂。