夏茶 (Closed)

夏茶成為元朗區我最經常光顧嘅飲料店，最主要係奶蓋啱口味，加上茶有茶味，果亦夠新鮮。之前關門時間比較早，每次食完晚飯都趕唔切，而家改左營業時間，更加方便除左餐牌恆常產品，不時推出限定系列或者新品，對於限定呢兩隻字，好多人都冇乜抵抗力，對我亦很湊效。本來想試下新品oreo黑朱鮮奶，但食完烤魚感覺揀果汁類會較舒服，留待下次。西瓜類有西瓜雪沙、西瓜大滿足及芝芝瓜瓜綠三款，定價$26-36。芝芝瓜瓜綠 $36奶蓋係出色之作，夠稠身有芝味，已經講過好多次。中間為西瓜汁，之後係青霧茶底。完全唔攪拌直接飲嘅感覺好過癮，皆因茶底甘濃。入口先有茶味，後有西瓜汁嘅清新，夾雜少量果肉，最後嚐到芝士奶蓋，層次豐富。我呢幾舊西瓜好明顯唔算十分之甜，飲料清新解喝。雖然茶同西瓜確實唔算天造地設，不過作為平時好喜歡飲西瓜汁嘅人，都可以多個選擇。