夏茶 (順豐大廈)

Open Now

Now Closed

話說呢幾日又暖返，想食同飲啲凍嘢。所以嚟到元朗嘅 @hachahk ，據說佢嘅開心果飲品幾出名，一於試試。芝士開心果雪沙 $48飲品頂部係招牌嘅海鹽芝士奶蓋，忌廉芝士鹹香十足，質感細緻綿密，仲有啲開心果碎增加口感。飲品下層係開心果雪沙，應該係牛奶沙冰底再加上開心果醬。開心果源自日本，非常足料，掛滿杯邊，令人彷如進入「綠蔭裏，草坡上～」攪勻就可以飲，入口開心果味確係濃，雪沙質感算細緻，唔會食到明顯硬角角嘅冰碎，但奶味唔算好濃，加埋有啲似特濃嘅開心果奶昔。甜度係固定嘅，個人覺得都甜咗少少，但未至於接受唔到。整體而言，佢做到晒佢應該有嘅嘢，但未至於好驚艷，價錢都唔算平（當然開心果本身都唔平），鍾意開心果嘅可以一試。