米走雞Deluxe (Moved) New Location

最近天氣凍，同朋友出街，都係約食雞煲，已經係第八次嚟銅鑼灣依間「米走雞Deluxe」食佢哋嘅雞煲，最鍾意就係食完佢哋個芝士雞煲之後，可以Order個免費芝士湯底打邊爐。*此餐廳收取加一服務費。小份黃金芝士雞煲（單點$228），激量芝士，表面鋪滿Mozzarella Cheese、車打芝士、洋蔥，雞件份量多，肉質嫩滑，配以芝士食用，拉絲效果突出，味道鹹香。例牌澳洲和牛M8肩胛肉眼片（單點$118），脂肪分佈均勻，食落牛味濃厚。半份豆苗（單點$28），食落好新鮮。半份豆腐（單點$24），口感滑溜，豆香味濃。出前一丁（單點$20），麵條口感軟硬適中，撈勻之前食雞煲𢳂起定嘅芝士醬，即刻就可以品嚐到芝士撈丁，如果想食翻原來嘅出前一丁，就可以落翻出前一丁調味粉、麻油。醬湯（兩人$36），包括有麻醬、芫荽、蒜蓉、指天椒、香蔥、炸蒜、豉油。