Video
Read full review
2011-05-21
17 views
日前見到朋友G面書上一個芝士蛋糕，半夜三更睇到真係口水都流，於是決定要在假日朝聖呢間過江龍甜品！雖然剛碰上百貨公司半年一度感謝週，超市被萬千師奶塞到水洩不通，亦無損我嘅雅興繼續勇往直前... La Balance Ginz在日本銀座、福岡均有分店，而在祟光百貨內分店就係香港第一間。據知靚仔主理人山本誠兒師傅，曾代表日本參加比利時Mandarine Napolean Millennium World Cup甜品賽，更加奪得世界冠軍，來頭絕對不少，而香港分店目前就只係主打係芝士牛奶蛋糕同埋秘方炮製嘅軟雪糕。大家還記得伊藤家嗎？早年日式芝士蛋糕曾經瘋魔一時，依家可能大家早已將佢忘記，今日La Balance Ginza再次將味道帶返香港。香濃嘅北海道3.6牛奶加埋法國芝士做成蛋糕，每個約370克重，盛惠$78，價錢方面都算抵食。不過咁大個芝士蛋糕真係幾難食得晒，好彩呢度仲有將蛋糕切成細件混入軟雪糕，加上醬汁，應該可以吸引到中意新嘗試嘅香港人。蛋糕入口奶味極重，芝士味相對唔算濃郁，質感挺得黎都幾夠滑，而杯裝雪糕中只有六份一件蛋糕，如果食過中意就可以原個買返屋企慢慢食。軟雪糕方面，據知係經由秘方
La Balance Ginz在日本銀座、福岡均有分店，而在祟光百貨內分店就係香港第一間。據知靚仔主理人山本誠兒師傅，曾代表日本參加比利時Mandarine Napolean Millennium World Cup甜品賽，更加奪得世界冠軍，來頭絕對不少，而香港分店目前就只係主打係芝士牛奶蛋糕同埋秘方炮製嘅軟雪糕。
大家還記得伊藤家嗎？早年日式芝士蛋糕曾經瘋魔一時，依家可能大家早已將佢忘記，今日La Balance Ginza再次將味道帶返香港。香濃嘅北海道3.6牛奶加埋法國芝士做成蛋糕，每個約370克重，盛惠$78，價錢方面都算抵食。不過咁大個芝士蛋糕真係幾難食得晒，好彩呢度仲有將蛋糕切成細件混入軟雪糕，加上醬汁，應該可以吸引到中意新嘗試嘅香港人。
蛋糕入口奶味極重，芝士味相對唔算濃郁，質感挺得黎都幾夠滑，而杯裝雪糕中只有六份一件蛋糕，如果食過中意就可以原個買返屋企慢慢食。軟雪糕方面，據知係經由秘方炮製，即係咩方法我地完全唔可能知，唯一知道原材料係用上北海道3.6牛奶，食落無菓匠茶屋果種濃烈奶香，但勝在質感軟滑程度出色，好味！
雪糕上醬汁有四款選擇（士多啤梨，吉士，芒果及朱古力），今次選嘅士多啤梨醬內有新鮮果粒，食落唔太甜，果味清新怡人，混上蛋糕雪糕非常好食。$35一杯唔算昂貴，炎炎夏日又唔想成日食Froyo的話，呢個用黎解暑都唔錯架！Post
