滾喜火鍋專門店 (Closed)

天氣轉涼，又係時候食雞煲，加埋任食邊爐就最正。好食嘅雞煲火鍋散叫唔會平，依間「滾喜」任食都只係二百幾蚊，試得過。餐廳位置係女人街，地鋪，易搵。我地訂枱訂7:15pm，有卡位坐，夠曬闊。任食火鍋有三種價錢，我地揀左高級安格斯牛小排同美國桶蠔，$278一位都唔算好貴。叫左三重芝士雞煲，芝士和🐔溶埋一爐，太正🤤。芝士雞唔會太咸、太稀，啱啱好。雞肉嫩滑，雞皮又唔肥，好好食。小食有邪惡嘅鹹蛋炸魚皮，可惜唔夠脆，味道好咸香。主角高級安格斯牛小排脂肪分佈均勻，入口夠嫩滑，連奄尖嘅男朋友都讚好。美國桶蠔好大隻，滾完後keep住肥美身型，啖啖肉。蝦餃同水餃都好食，仲有打邊爐最愛食嘅皇帝菜都夠新鮮。侍應嘅服務態度好，經常面帶笑容，執枱都執得好快。