Video
Read full review
2017-10-25
883 views
哈韓友人提議去食炸鷄, 呢間就係佢上次食過要回頭場內以木作主打裝潢, 設有電視不斷播放著K POP MV, 真係識唱既可以跟住一齊唱(哈...哈......)打開餐牌, 見到炸鷄/焗鷄類都有好幾款, 有骨無骨都有得選除左炸鷄類, 都仲有其他特色菜式, 例如有榴槤芝士炸鷄, 榴槤芝士薄餅等, 其他韓食/薄餅/沙律都有供應清新之選當然要叫個凱撒沙律 ($80), 份量唔細, 細胃口既人士真係可以食呢個當晚餐, 至於我地.......當然係當頭盤啦, 沙律菜咬落爽脆多汁, 配以煙肉碎(脆口點會好D)及芝士碎, 增加咸香味道!雖然近日天氣涼返D, 但無減我對水冷麵既支持度, 加上唔係好多地方有供應, 呢碗韓式涼拌水冷麵 ($80)就成為我今餐菜式之一! 無肉之選, 全碗材料有泡菜, 蘿蔔絲, 青瓜條及烚蛋, 冷麵口感比較煙韌, 湯底夠凍及帶少少酸味, 食落為之醒神及醒胃, 䓤花粒更增加香味!見到有芝士火鍋上場, 就想由炸鷄轉會去芝士火鍋, 友人話未試過都想試下, 一於黎個特級芝士火鍋 ($278)食材包括手工流心芝士年糕, 紫薯年糕, 美國豬仔骨, 黃金炸薯條, 腸仔, 車厘茄, 農夫包粒,
場內以木作主打裝潢, 設有電視不斷播放著K POP MV, 真係識唱既可以跟住一齊唱(哈...哈......)
打開餐牌, 見到炸鷄/焗鷄類都有好幾款, 有骨無骨都有得選
除左炸鷄類, 都仲有其他特色菜式, 例如有榴槤芝士炸鷄, 榴槤芝士薄餅等, 其他韓食/薄餅/沙律都有供應
清新之選當然要叫個凱撒沙律 ($80), 份量唔細, 細胃口既人士真係可以食呢個當晚餐, 至於我地.......當然係當頭盤啦, 沙律菜咬落爽脆多汁, 配以煙肉碎(脆口點會好D)及芝士碎, 增加咸香味道!
凱撒沙律
21 views
0 likes
0 comments
雖然近日天氣涼返D, 但無減我對水冷麵既支持度, 加上唔係好多地方有供應, 呢碗韓式涼拌水冷麵 ($80)就成為我今餐菜式之一! 無肉之選, 全碗材料有泡菜, 蘿蔔絲, 青瓜條及烚蛋, 冷麵口感比較煙韌, 湯底夠凍及帶少少酸味, 食落為之醒神及醒胃, 䓤花粒更增加香味!
韓式涼拌水冷麵
20 views
0 likes
0 comments
見到有芝士火鍋上場, 就想由炸鷄轉會去芝士火鍋, 友人話未試過都想試下, 一於黎個特級芝士火鍋 ($278)
食材包括手工流心芝士年糕, 紫薯年糕, 美國豬仔骨, 黃金炸薯條, 腸仔, 車厘茄, 農夫包粒, 份量都幾豐富, 足夠2-3人分享!
特級芝士火鍋
22 views
0 likes
0 comments
芝士鍋底慢慢加熱至滾起就可以起動, 用支長叉放食材入去, 給食材一件芝士"外衣", 其中既農夫包索盡芝士醬汁, 簡直係絶配! 另外佢既美國豬仔骨味道辛辣, 點左芝士汁又另一種味道; 佢既薯條及芝士年糕亦都同芝士鍋底好夾, 每一啖都食到濃香芝士味! 最驚喜係個芝士鍋底味道香濃得黎但食落都唔會好"膩"感! 水準唔錯!
期間可免費加添芝士火鍋一次, 慢慢食都可以, "芝"味滿分!
呢度有多款水果味燒酒, 啤酒, 特飲及非酒精類飲品
我就叫左呢杯Apple Cider Rita ($78), 外型係典型韓國鷄尾酒式賣相, 味道有蘋果既酸甜味, 可以中和一下芝士火鍋既味道, 有少許酒精成份, 飲完暢快無比!
Post
