NeNe Chicken (東港城) (Closed)

年近歲晚，梗係要同屋企人出去辦年貨，shopping啦！最近走咗去東港城，知道佢有唔同嘅攤位遊戲可以畀小朋友玩，阿仔玩咗 一陣之後，我哋就喺東港城入面搵食 。最後揀咗之前有朋友介紹過嘅Nene chicken， 但係食雞又會覺得太飽，最後揀咗個芝士炒年糕拌拉麵，同埋芝士泡菜炒飯。炒飯嚟到， 賣相都幾吸引，見到有 炒蛋圍著中間嘅炒飯，飯返上面亦都有好濃郁嘅芝士，啱曬我哋啲芝士愛好者。之後就嚟埋個芝士炒年糕拌拉麵， 原來兩樣嘢係一齊上，撈埋一碟，估唔到芝士炒年糕比起炒飯會更加辣！只不過公仔麵索曬啲芝士同埋泡菜嘅味道，好香好濃味