SMILEY CAFE with eGG (Closed)

食飽飯朋友話想食甜品 ，記得之前呢間舖既位置係間糖水舖，黎到發現已經變咗呢間新cafe ，見到menu話有甜品食，於是都諗住試下 ，入到去見到有好多唔同種類嘅嘢食，有正餐又有甜品，但係由於我哋已經食咗晚飯，所以我哋淨係叫咗甜品，我地最後叫咗一份心太軟同埋一杯朱古力芭菲，心太軟黎到已經穿咗窿，啲朱古力醬流左部分出黎，有啲唔開心 ，不過可能已經比較晏，鋪頭應該差唔多關門，所以冇時間整過第二個俾我地，呢點我哋都體諒嘅，味道就不過不失唔錯既，心太軟會有杯軟雪糕配埋，軟雪糕既奶味好香濃， 朱古力芭菲好多嘢食，有朱古力脆米，有咖啡啫喱糖，透明嘅啫喱，仲有蛋糕，朱古力啫喱糖煙韌韌好好味，成杯朱古力芭菲嘅口感好豐富，有煙韌韌嘅啫喱糖，有脆卜卜嘅朱古力脆米，又有軟淋淋嘅蛋糕，最上面既雪糕慢慢用咗落去加埋中間啲cream，配合得好好，而且唔會太甜，好好味，比起出面一般既芭菲，佢哋明顯做得有心機好多， 兩樣嘢食total食咗139蚊~