花園餐廳 (淘大商場3期) (Closed)

🍴羅宋湯餐包 (7/10)餐包都幾鬆軟，有牛油，都夠熱！湯都好多料有洋蔥白菜紅蘿蔔，有一塊牛肉，都夠酸味有蕃茄味嘅，正常！🍴 A級肉眼牛扒 紐西蘭 $149 另收加一 (7.3/10)牛扒都大塊，下面有椰菜墊底，鐵板非常之熱，牛扒肉質都幾滑，唔會有醃肉嘅味道，都幾嫩口，有一塊就有筯，比較韌！黑椒汁都夠濃，唔會鹹，味道OK，好有港式風味！比想像中有驚喜！幾欣賞佢薯條分開上，又唔會吸晒牛嘅油，都幾香脆，有薯仔味，份量都足！🍴凍檸茶 走甜少冰 (7/10)正常有紅茶嘅味，檸檬都新鮮！推薦指數: 7/10牛扒都唔錯，呢個價錢咁多嘢食都好飽！