Passion (朗豪坊) (Closed)

呢排想健康啲，就鐘意左食沙律。不過食得多都會有啲悶，因為普通餐廳通常都係得凱撒沙律或者火箭菜沙律。所以近期最愛就係呢一間餐廳，因為佢嘅沙律真係好多選擇，每次去都會花多眼亂，每款都想試吓。呢間餐廳有分大沙律同細沙律，可以揀三款或者四款唔同嘅沙律去試。今次比較肚餓，所以我就揀咗大沙律。四款沙律分別有三色黎麥，薯仔沙律，貝殼粉，南瓜couscous。整體味道都唔錯，我就比較鍾意南瓜couscous，因為香港本身都唔係好多地方可以食到couscous，三色黎麥個汁比較酸酸甜甜，好開胃。反而貝殼粉同薯仔沙律個味道就比較淡，下次應該會試其他款。佢嘅沙律每款份量都幾多下，所以食完都好飽。但我記得佢個杏桃酥皮批都係好好食，仲要得返一個，所以我都即刻買咗外賣拎走