花果飄零 (Closed)

天氣熱一熱 但又唔想飲重身嘅奶茶 去到朗豪坊見到有間花香飄零個名感覺會有小清新嘅飲品店就決定試吓， Menu 選擇大概分左8個分類 有生果茶 有花果 有花香 當然亦有大眾化嘅 奶茶、芝士奶蓋 、醇茶 同 樽裝嘅有草本茶。而熱飲就有漢方虹吸系列 而我本身係怕好甜嘅人類 想解下渴降下溫就選擇咗花香特調嘅桂花菊花冰糖雪燕🥰清熱又有雪燕養吓顏～店員都好貼心問需唔需要調教甜度 我要左少甜 但唯一係佢嘅冰度係冇得減少嘅🥲 佢哋嘅某啲飲品係冇得調教甜度 或 冰塊的；建議大家買前先問店員喔～ 講返我杯飲品啦，有微微桂花味有幾粒杞子配菊花既清熱又明目又有雪燕咬下之餘 養下顏又有助減肥排脂。好啱我怕肥嘅人類 感覺成件事好似都幾健康養生咗😂當然如果佢可以減冰塊度我會更喜歡💕 而店內仲有唔同口味可愛笑笑表情嘅雞蛋糕都可以一齊連飲品買當個下午茶都唔錯 ，不過今次我唔餓就冇叫到 。 但整體而言很不錯 下次會想再試佢其他花香 或者 相對健康嘅花茶系列手調飲品。