花甜囍室 (Closed)

太子地鐵站B2出口冇幾遠新開左一間花甜囍室，一向好鐘意茶飲料的我，又忍不住要買飲。茶類，奶茶，選擇好多，好多款都想試下。見到排名第一的花現黑糖愛珍珠巨型紙板，覺得好靚，于是揀左同系列的花現黑糖相戀布丁，佢甜度同冰度固定，賣相吸引，奶味好濃郁，同樣有黑糖珍珠，珍珠夠新鮮，特別喜歡佢果d珍珠既口感，軟硬適中，另外仲有布丁粒粒，感覺好得意。小柚柚茉莉綠茶，系葡萄柚同茉莉綠茶冲調，葡萄柚十分清新，我地揀左微糖，好爽口。