正宗上海生煎皇后麵館 (Closed)

成日食唻食去都係荃灣葵芳, 都食到悶悶地, 就出深水埗行下鴨記高登睇下d得意野再搵下野食啦, 一直都知深水埗有間上海生煎包, 原來仲有間麵館, 大大個江若琳poster , 裝修白色為主, 望落乾淨舒服價錢唔貴啵, 仲冇額外加一老公專簡普通野, 話夠哂穩陣唔驚中伏, 依個牛肉丼味道正常啦我就梗係試下招牌菜, 依碗滷水雞翼花膠湯面, 花膠大大塊, 湯底好濃味, 重口味既一定鐘意, 雞翼入哂味, 好味！另外叫餐飲就每杯減6蚊, 我地叫黑糖珍珠奶茶, 有少少偏甜, 總括唻講依間餐廳都係推介既！