肉餅哥小炒料理 (Closed)

最近大圍美林冬菇亭開了間新食店，個名好搞鬼，叫「肉餅哥」，本身我地都成日食肉餅，兼且都係沙田友，所以點都要支持下。星期日lunch 時間，我們1點半左右到餐廳，地方都幾闊落，D枱坐滿晒但唔覺迫。我地4個叫左三個肉餅飯，好似煲仔飯咁，D肉餅同餸就鋪係面，下面可以揀白飯、菜飯或油飯。「足三兩花膠肉餅」其實係花膠同肉餅分開，D花膠好足料好大份，勁多汁，從未試過食咁大隻花膠，雖然貴，但抵晒。「龍蝦肉餅」賣相吸引，相當有創意，肉餅裏面混合了龍蝦肉，真係估你唔到。仲有個「蟹粉肉餅」，做法都係好特別，肉餅有蟹味。今日試過先知，原來肉餅可以係有咁多做法。另外再叫多個海皇雜菜煲，太多肉平衡返，個餐跟埋野飲。4個人平均每人也不用100便食到飽飽，假日不錯選擇。除此之外，佢地仲有好多好多肉餅選擇，有好立克、柚子、咖啡煉奶、鵝肝、鮑魚肉餅等，睇黎要去多幾次先可以試得晒。