蘇媽.蘇媽馬來西亞茶餐室 (Closed)

餐廳：蘇媽.蘇媽馬來西亞茶餐室地點：尖沙咀加連威老道菜式：馬來西亞菜式餐牌：主菜，肉骨茶，撈粉麵，湯粉麵，辣死你嗎，咖喱，小食，甜品，飲品先黎每人一碗肉骨茶，原來叫左任何肉骨茶菜式就可以任添架！檯面有紙教你點飲，先調醬，檯面有蒜蓉，辣椒，黑豉油同頭抽。個湯好清，藥材味濃，帶少少甜味，唔洗加野已經夠好飲，好正！豬腳彎 $58豬腳彎一客5件，豬皮整得好脆，夠淋，食完滿口骨膠原。個湯仲有杞子，湯味道比任添肉骨茶稍淡。高佬麵配雞扒 $72高佬麵配雞扒大大碟，有一大塊燶燶地既連皮雞扒，配淋身啡色油麵，面頭一隻水波蛋，伴有青瓜兩片，魚仔同花生，另配辣醬。雞扒皮脆肉嫰，黑椒味濃，好正。油麵甜甜地，好惹味。可自由加辣或者加脆口花生同魚仔，多重口感。椰香咖央多士 $38椰香咖央多士一客四件，由兩塊烘燶多士夾住香濃甜絲絲咖央醬，食落脆中帶甜滑，好味道。椰汁班蘭冰 $38椰汁班蘭冰係奪目綠色，味道甜度適中，好香班蘭味，入面仲有粒粒西米咬下。美綠恐龍 $38美綠恐龍係大大杯美綠加上朱古力粉，飲完非常飽足。今餐特別鍾意肉骨茶。餐廳裝修好有特色，環境舒適。