FRANCIS west

Open Now

Now Closed

氛圍感滿分，燈光微暗，好有格調。我哋坐吧枱，侍應見我哋冇叫酒，倒咗少少氣泡酒俾我哋送嘢食，唔洗太dry。服務都非常好，會介紹餐牌、推薦菜、嘢食做法，上菜速度正常，又唔會催你走。*Sourdough Frena $120鷹嘴豆泥豆味比想像中淡，質地好順滑，配中東辣醬red zhug、番茄沙律matbucha，係少見嘅配搭，番茄味唔會太強烈，辣味會多啲。摩洛哥薄餅Frena燒到焦脆，口感似厚身嘅彼得包，但太細塊啦呱！Lamb ribs $180羊肋條肉少，肉質扎實、有咬口，多汁唔會好韌。配乳酪、芫荽醬，清新微酸，但驚喜唔大。Jerusalem Artichokes $110洋薊去莖去葉，留下心部，口感似薯仔，帶茄子嘅味道。配番茄做嘅醬汁、葡萄葉vine leaf，味道好有驚喜，各種調味都恰到好處。Beef kebab $220牛肉肉碎串起整成kebab，燒到外面乾身，但仲保持有肉汁，配青椒莎莎醬、中東芒果醬amba，香料味重，辣度十足。