El Cerdo (伊利近街)

Open Now

Now Closed

朋友難得返香港，一定要揾間靚餐廳一齊食餐好啦！知道中環有間西班牙餐廳，今日就即刻去食下先。呢間餐廳只要係中環塔上山電梯就會去到，靜中帶旺。我地叫左Pan Con Tomato法包香脆而且蕃茄好新鮮。鮮炸魷魚配蒜蓉檸檬蛋黃醬魷魚脆卜卜，非常惹味。香煎無骨雞腿配鮮菇佐松露蛋黃醬雞腿皮煎到甘香可口，雞肉十分嫩，而且醬同雞非常配合。蕃茄蓉煮鷹嘴豆臘肉腸呢個朋友想試，我覺得飲酒的話會非常夾。EL Cerdo招牌西班牙海鮮炒飯細細碟但滿佈海鮮，而且海鮮非常新鮮，推薦。DEL GINGEBRE LIDE LA PASSION 2 杯飲品賣相同埋口味都非常好。最後食埋個甜品香脆玉肉條配榛子朱古力醬成餐飯我地都食得好開心，仲見到有人慶祝生日，餐廳好有氣氛。