Video
Read full review
2019-01-22
77 views
火鍋店起冬天特別受歡迎，最近香港都開左好多唔同風味既火鍋店！今次呢間係朋友推介，不過walk in 好難有位，所以最好都係訂枱安全啲，而且暫時OpenRice 訂位仲有asiamiles 儲到！一出𨋢就已經係餐廳，不過我欣賞佢呢度夠寬闊，枱夠大，可以放到好多火鍋材料，枱與枱之間亦有距離，唔會有壓迫感！呢度既醬料選擇幾多，可自由配撘一坐低，侍應會問飲咩茶，可以幫手消下滯！跟住就會送上英雄八盞！呢八款小食款式各有不同，有涼菜又有肉！我最鐘意雲耳、辣既腩肉、青瓜同豆腐干！等食火鍋之前有呢啲小食，係唔錯既餐廳有提供圍巾，幾好，唔怕啲火鍋汁彈到成件衫都係叫左成枱野食，差啲擺唔灑！我地叫左鴛鴦鍋，一個係二十五年陳年花雕醉烏雞鍋，另一邊係養生野山菌湯！一邊補身，一邊健康！野生菌湯好足料，有好多野菌，清清地，幾健康另一邊鍋，係會將醉烏雞另上，份量係半隻，可以清楚聞到好香既花雕酒味！啲烏雞煮完後出奇地好滑，相信浸得夠時間，所以食到雞有酒香味！！！呢個係大家至愛，所以啲烏雞好快就俾我地食灑😂美國雪花肥牛$198牛肉既種類好多，又有拼盤！我地最後決定專心食最愛既肥牛！份量唔錯，清楚睇到雪花紋，牛肉味濃，而且
一出𨋢就已經係餐廳，不過我欣賞佢呢度夠寬闊，枱夠大，可以放到好多火鍋材料，枱與枱之間亦有距離，唔會有壓迫感！
呢度既醬料選擇幾多，可自由配撘
一坐低，侍應會問飲咩茶，可以幫手消下滯！
跟住就會送上英雄八盞！呢八款小食款式各有不同，有涼菜又有肉！我最鐘意雲耳、辣既腩肉、青瓜同豆腐干！
等食火鍋之前有呢啲小食，係唔錯既
餐廳有提供圍巾，幾好，唔怕啲火鍋汁彈到成件衫都係
叫左成枱野食，差啲擺唔灑！
我地叫左鴛鴦鍋，一個係二十五年陳年花雕醉烏雞鍋，另一邊係養生野山菌湯！
一邊補身，一邊健康！
野生菌湯好足料，有好多野菌，清清地，幾健康
另一邊鍋，係會將醉烏雞另上，份量係半隻，可以清楚聞到好香既花雕酒味！
啲烏雞煮完後出奇地好滑，相信浸得夠時間，所以食到雞有酒香味！！！
呢個係大家至愛，所以啲烏雞好快就俾我地食灑😂
美國雪花肥牛$198
牛肉既種類好多，又有拼盤！
我地最後決定專心食最愛既肥牛！
份量唔錯，清楚睇到雪花紋，牛肉味濃，而且入口即融！正！
上: 酥炸響鈴$48
下: 招牌四寶丸(12粒) $108
酥炸響鈴同四寶丸係侍應特別推介，話係餐廳自製。
響鈴確實相比其他火鍋店既更脆口同鬆化，而且無咁油膩！呢個好薄脆，所以比一般既響鈴淥既時間要再短啲！
四寶丸好彈牙！鮮蝦丸係會食到有蝦肉既👍🏻
上:豬爽喉$88
下:韭菜水餃(6件)$48
豬爽喉唔係度度都有得食，呢度份量幾慷慨！
輕輕淥一淥，好爽口，無壓味!!
韭菜水餃，我既至愛！侍應話係餐廳自製，食落無咩味精味，韭菜份量足！啱灑我心水
鮮桂花魚片$88
有成條桂花魚叫，不過我地想試多啲款，就叫魚片過下口癮！
桂花魚望落好有光澤，夠新鮮！魚片都幾多，幾抵食
上:西洋菜$32
下: 雜菌拼盤$68
份量真係好多，西洋菜洗得夠乾淨
四川紹粉$28
淥完之後，變成透明狀，吸灑湯底既精華，粉好彈牙，好好味！每次打邊爐都好鐘意叫呢個作總結！
整體味道幾好，用料都新鮮，呢度既服務算係普遍火鍋店中數一數二好！見到有隔離枱既客人唔小心點錯野，經理了解完主動提出可以幫客人改番。雖然客人都好好，最後係無換到，不過經理既做法都加灑分！
Post
