百變蛋君 (Closed)

星期日夜晚9點幾，條街啲野食好多都冇開，打電話落去佢哋仲開緊，就叫咗個蘋果批味。落到去成間舖頭已經係一陣玉桂味，好香。本來想叫檸檬燉雪梨，不過已經賣晒，佢哋推薦下㨂了香芋Oreo,個芋泥好香，飲得出係新鮮芋頭整，但係最後個Oreo 餅一塊咁效上去，其實係飲唔到嘅，呢點唔夠細心。雞蛋仔粒粒食到蘋果係入面，外脆內軟好好食。第一次見到一間唔賣原味嘅雞蛋仔，不過呢個蘋果批真係好食過平時啲雞蛋仔，好少有餡雞蛋仔可以做到咁足料仲咁外脆內軟，下次仲想試咖喱薯仔。