西貢許姑娘家鄉茶粿 (Closed)

今日入西貢想散下心，但天公不造美，有微雨，所以就轉為食下小食算。今次嚟到「許姑娘家鄉茶粿」。黑芝麻皮芝麻花生餡茶果一盒有2粒茶果，大大粒，啱啱好逼滿個外賣膠盒。面皮非常香芝麻味，口感唔係硬身果種，係有種軟糯。餡嘅味道好豐富，因為餡多所以每一啖都好滿足。值得一提嘅係唔會俾芝麻味搶走晒花生味，食落仍然係有花生味嘅，花生味仲好出添。不過食一舊都好飽肚了，建議大家留小小肚先好買嚟食。題外話：個茶果應該係太好味嘅關係，連雀係都嚟引到，係海邊食食下有雀屎屙落我對鞋道😂😂😂。