林仔茶檔 (Closed)

今晚雖然食茶記，但食既米芝蓮蝦球好有睇頭。餐廳地方寬敞，燈光光猛，感覺好新淨。雖然係茶記，但晚上供應大量小菜，入嚟食晚飯大把野揀。米芝蓮二弄大蝦球 $108茶記都食到米芝蓮菜式，價錢相當貼地。鹹蛋黃口味同千島醬口味的大蝦球，一蝦兩食，外脆內嫩，鹹甜滋味同時擁有。上湯雞包翅撈飯 $96魚翅撈飯未必人人食得起，要貼地價食到，呢度做得到。咁既價錢話比上等靚翅你都唔會信，但味道絕對收貨，平民版魚翅撈飯絕對有特色。上湯菜膽雲吞雞配米線 $89一大個砂鍋雲吞雞熱辣辣上枱，雞件同雲吞都好足，配埋米線，性價比一流。黃金鮮魷 $108鹹蛋醬勁惹味，加埋爽脆口感令人食唔停口。瑞士汁乾炒牛河 $66牛河炒得有獲氣，瑞士汁沒死鹹，牛肉爽嫩，出品有水準。係茶記又點少得飲番杯鹹檸七。