Video
Read full review
2021-09-30
632 views
🙊成日出入K11 Musea，每次經過Artisan Lounge都係滿席，今次🧔🏼♂️自己落book（唔使我做👶🏻，生日似乎大哂喎）終於有機會坐入去了。🧚🏻♂️被稱之為極奢華英式下午茶嘅Artisan Lounge，一set下午茶就要$1,688/位，當中有鮮松露、魚子醬及金箔和牛作賣點，加上場地充滿英倫風格，而佢哋嘅下午茶架用一個三層金屬架裝住甜點同鹹點，將個架懸浮吊起，感覺特別。1️⃣4️⃣1️⃣0️⃣ Musea Afternoon Tea Set 🥖咸點 -軟包+ 果仁粒硬包軟包子暖暖，沾上意大利醋很開胃，咬感軟熟；另一個果仁包雖然硬，但果仁、橙肉粒配搭得好，食落粒粒分明，不錯。🌟Amur Beluga 3.2mm 10g魚子醬先將包皮塗上忌廉，再鋪上魚子醬再加蛋沙律碎，一小口不覺得漏，魚子很香而不腥臭。🌟黃金和牛一睇就知佢浮誇啦！成舊金放上舊岩鹽到😂。因為我哋先食甜點，將佢擺係壓軸，可能因為咁令到佢嘅溫度和暖咗，但重點係佢不失霸氣架！因為佢係和牛，肉質軟滑，口感油潤但不膩，配上底下嘅岩鹽香非常好食😋讚！🍥鮑魚配粉紅西米脆鮑魚兩粒😳雖然好細好精緻，但仍有香味。🦞龍蝦串一啖紅椒配一啖龍蝦，不過
🧚🏻♂️被稱之為極奢華英式下午茶嘅Artisan Lounge，一set下午茶就要$1,688/位，當中有鮮松露、魚子醬及金箔和牛作賣點，加上場地充滿英倫風格，而佢哋嘅下午茶架用一個三層金屬架裝住甜點同鹹點，將個架懸浮吊起，感覺特別。
1️⃣4️⃣1️⃣0️⃣ Musea Afternoon Tea Set
🥖咸點 -軟包+ 果仁粒硬包
軟包子暖暖，沾上意大利醋很開胃，咬感軟熟；另一個果仁包雖然硬，但果仁、橙肉粒配搭得好，食落粒粒分明，不錯。
🌟Amur Beluga 3.2mm 10g魚子醬
先將包皮塗上忌廉，再鋪上魚子醬再加蛋沙律碎，一小口不覺得漏，魚子很香而不腥臭。
🌟黃金和牛
一睇就知佢浮誇啦！成舊金放上舊岩鹽到😂。因為我哋先食甜點，將佢擺係壓軸，可能因為咁令到佢嘅溫度和暖咗，但重點係佢不失霸氣架！因為佢係和牛，肉質軟滑，口感油潤但不膩，配上底下嘅岩鹽香非常好食😋讚！
🍥鮑魚配粉紅西米脆
鮑魚兩粒😳雖然好細好精緻，但仍有香味。
🦞龍蝦串
一啖紅椒配一啖龍蝦，不過不失。
🥪青瓜三文治
好Fresh，食得出青瓜香加左左少少醬，令口感無因為麵包而嚡口。
🌰松露
鮮松露變左一個百搭嘅食物，食咩都放上面咁滯😆就咁咬諗起松露朱古力果種香味。暫時…感覺唔太特別。
🌟紅粉白花茶棒棒
我覺得佢個樣怪怪，但估唔到好食，糖皮內軟，內裡混合咗芝士香，唔😋正。
🍔果甜漢堡
賣相諗起Johnny Depp😬 用Macaron當包包，塊芝士係糖嚟，然後塗上朱古力醬再有raspberry花香，咁咁。
🌹法式玫瑰棉花糖
呢個就好似食咗一舊固體玫瑰花香水入肚，真係唔講得笑，我回吐返啖氣出嚟都充滿玫瑰花香，犀利😮。
🍨軟香芝士杯
上層厚厚cream cheese 下層用上raspberry 再有脆可可，幾有趣。
🍫寶石朱古力
黑濃朱古力，唔太甜但回返個甘香。
🍫工匠朱古力
⭐️⭐️⭐️⭐️⭐️勁好食！士多啤梨味牛奶朱古力再搭上果仁😋大愛。
🥧自家烘焙鬆餅
（配Clotted Cream、玫瑰果醬、血橙果醬）
Scones暖，皮唔算硬，塗clotted cream係最搭配的，玫瑰味果醬淡淡的，要放入口細嚐就感覺到花香，血橙正常。
🍲意大利紅蝦伴鱸魚雲吞配燴帶子、蝦肉、蜆肉汁 $228
額外再點上，雲吞皮好厚，不過當中鱸魚唔腥，配個汁都夾。
⭐️⭐️⭐️⭐️⭐️喜馬拉雅山岩鹽粟米爆谷雪糕山 $198
呢個由賣相、好味度都一致既雪糕山，非常出色！焦糖爆谷上灑左岩鹽，雪糕係栗米味，所以用岩鹽吊出份香甜。雪糕細棉、爆谷唔算淋，一啖爆谷一啖雪糕非常好食，可惜我太飽，戰線已經盡拉後都敵不過座山，收檔了😂但一定要試！
Post