Video
Read full review
2023-10-19
99 views
🍜🍜🍜九龍城有間台灣野，近排推出左個大閘蟹放題，本身都想試下，價錢每位大約$500左右起88分鐘任食，但等緊位就發現坐係度四分三枱客都係等緊大閘蟹，似乎廚房蒸得好慢，所以打消依個念頭，轉左食平價晚餐，所有野都係好普通，不過不失保庇四人套餐($438)包括兩個小食，三個主菜，四個飯或麵，四杯飲品小食：台式烤香腸+台式滷水雞翼烤香腸好香，入面有少少肥肉所以都幾juicy，唔覺好乾，小食黎講算唔錯雞翼大細適中，都有誠意，下面鋪左青瓜同花生主菜：戀上三杯雞+水蜜桃生炒骨+台式豆醬A菜三款主菜都唔似台灣做法三杯雞感覺無咩酒味，個樣都還好，普普通通生炒骨賣相比較難睇，同茶記差唔多，又唔覺有水蜜桃A菜就係蒜蓉少油麥菜，炒得比較油👎🏻👎🏻👎🏻刀削麵+陽春麵+魯肉飯(+$5)+蚵仔魯肉飯(+$15)四款當中刀削麵最好，有咬口，其次係蚵仔魯肉飯，加左幾隻蠔仔係面撈埋飯食，比魯肉飯多少少味道，但都唔算好突出飲品：古早冬瓜茶+菊花蜜+冷泡蜜香紅茶($11)冬瓜茶正正常常，加左錢要冷泡茶，唔覺有好特別既香味，都係普通紅茶一樣，係包裝特別少少
九龍城有間台灣野，近排推出左個大閘蟹放題，本身都想試下，價錢每位大約$500左右起88分鐘任食，但等緊位就發現坐係度四分三枱客都係等緊大閘蟹，似乎廚房蒸得好慢，所以打消依個念頭，轉左食平價晚餐，所有野都係好普通，不過不失
保庇四人套餐($438)
包括兩個小食，三個主菜，四個飯或麵，四杯飲品
小食：台式烤香腸+台式滷水雞翼
烤香腸好香，入面有少少肥肉所以都幾juicy，唔覺好乾，小食黎講算唔錯
雞翼大細適中，都有誠意，下面鋪左青瓜同花生
主菜：戀上三杯雞+水蜜桃生炒骨+台式豆醬A菜
三款主菜都唔似台灣做法
三杯雞感覺無咩酒味，個樣都還好，普普通通
生炒骨賣相比較難睇，同茶記差唔多，又唔覺有水蜜桃
A菜就係蒜蓉少油麥菜，炒得比較油👎🏻👎🏻👎🏻
刀削麵+陽春麵+魯肉飯(+$5)+蚵仔魯肉飯(+$15)
四款當中刀削麵最好，有咬口，其次係蚵仔魯肉飯，加左幾隻蠔仔係面撈埋飯食，比魯肉飯多少少味道，但都唔算好突出
飲品：古早冬瓜茶+菊花蜜+冷泡蜜香紅茶($11)
冬瓜茶正正常常，加左錢要冷泡茶，唔覺有好特別既香味，都係普通紅茶一樣，係包裝特別少少
Post
