Cafe 52 (Closed)

這是一間位於朗屏8號隔離的cafe!招牌是花花牆及淺粉色兔子主題牆，估佢唔到嘅係呢度提供5個飯餐做精選午餐，價錢相宜同茶餐廳差唔多，但又keep到一貫嘅質素，擺盤令人驚喜，所以呢度Lunch time 都幾full ga!而且午餐仲做到8點（但就不包飲品）！午餐： 藍莓燒汁配香燒鴨胸煎蛋飯（$60）個汁真係有藍梅味！🥹鴨胸意粉平時就見得多，鴨胸飯少見d，估唔到又煎得幾香，擺盤加哂分，茶記價錢，西餐擺法。跟餐仲配送冷熱檸水檸茶或橘子茉莉茶，凍咖啡就+$20。散點：肉眼扒配車打芝士忌廉芝士配竹炭漢堡包及薯條（$95）因為我唔鍾意食飯嘅😂就散叫左個burger，賣相都好靚，肉眼扒薄切，港式味道，好大個！半份都好飽，仲有好多脆的粗薯條！凍杏仁朱古力咖啡（$39）幾大杯，好熱嘅時候飲杯凍啡真係好爽。