潮滙館 (Closed)

呢間食肆長期都高朋滿座，即使係搭枱都唔係咁容易有位，上星期摸過一次門釘，今星期有機會試喇！大圓枱舖上即棄嘅膠枱布，3 pairs唔識嘅人搭住枱，一坐低就奉上兩杯水！佢啲飯餐全部都跟飲品，價錢都算抵，四十幾至五十幾！鵝片撈麵 ($50)有7片鵝片係麵上，搭兩條菜，賣相都ok喎！鵝片味道正常，但麵就成餅嘢黏埋一齊，都幾難夾起，又無咩汁，感覺好寡！時菜班腩飯 ($45)朋友仔叫左呢個，等左好耐，一上菜大家都好猶疑點解無時菜，似腐竹班腩多啲，朋友仔一路食一路話好咸！