三和茶餐廳

Open Now

Now Closed

前排去咗樂富個邊嘅球場做運動，做完天黑剛剛好到晚飯時間，所以搵咗間茶餐廳食飯，呢間唔係樂富商場，而係係對面嘅屋企地下位置，間餐廳都幾大間，仲接近坐滿人，可能價錢比較抵食，所以比較多人！我叫咗碟蝦醬海鮮炒飯，$56，跟熱飲，我就叫咗熱華田，正常無特別，另外仲送碗例湯，都幾好飲。個蝦醬炒飯好大碟，差唔多成2-3碗飯，多到我都食唔哂。佢個炒飯幾有鑊氣，炒到一粒粒乾身，蝦醬味幾香，好彩食落去唔會好咸。而海鮮都算係咁，有魷魚、蝦仁、蜆等等。